Corea do Sur conta cunha taxa de fertilidade de apenas 0,8 fillos/as por muller.
Paralelamente á caída da natalidade, o número de mascotas disparouse na última década.
Corea do Sur converteuse no exemplo máis extremo da crise demográfica no mundo desenvolvido, cunha fecundidade moi baixa e unha transformación social marcada pola caída dos nacementos, o atraso ou rexeitamento da familia tradicional e o aumento do peso das mascotas como substituto afectivo. Movementos como o 4B expresan o malestar de moitas mulleres ante a desigualdade, a presión laboral, o custo da vivenda e a falta de corresponsabilidade nos coidados. Malia os fortes investimentos públicos en natalidade, as medidas non conseguiron reverter unha tendencia que xa afecta escolas, mercado laboral e sistema de benestar. O caso surcoreano anticipa retos que tamén comezan a verse en países occidentais con baixa fertilidade.