Pasouse dos 9000 partos diarios de 1950 a tres a día de hoxe.
Catro de cada dez bebés nados en 2025 teñen un proxenitor estranxeiro.
A inmigración está a contribuír a frear o declive demográfico en Ourense, onde catro de cada dez bebés nados en 2025 teñen cando menos un proxenitor estranxeiro. A provincia continúa, con todo, marcada por unha fonda crise poboacional, xa que os falecementos superan con moita diferenza os nacementos, unha realidade especialmente acusada no rural. En comarcas como Valdeorras, a presenza de nais nacidas fóra do Estado resulta xa decisiva para soster a natalidade, nun contexto no que a maternidade se concentra sobre todo entre os 30 e os 40 anos. O escenario confirma, así, que a chegada de poboación migrante se converteu nun factor clave para conter a perda de habitantes.