A ONU alerta de que a crise ambiental esixe actuar sobre o consumo, a poboación e a auga e obriga a repensar o modelo de crecemento.
Dous informes das Nacións Unidas alertan de que a crise ecolóxica global non se poderá afrontar sen intervir sobre factores de fondo como o crecemento demográfico, o consumo excesivo e a sobreexplotación da auga, ao tempo que reclaman mudanzas profundas nos sistemas económicos e sociais. Nese contexto, un documento advirte xa dunha situación de “bancarrota hídrica” en boa parte do planeta, mentres outro defende garantir o acceso á anticoncepción e favorecer familias máis pequenas. Pola súa banda, Estados Unidos restitúe fondos públicos para planificación familiar que foran bloqueados, aínda que persisten outras restricións, e China grava preservativos e anticonceptivos nun novo intento de frear a caída da natalidade.